|
1951 Kawas ga ini pmemlux qu qenxan Tayawan qaniy, ana ga si pilaw ruma ru hayung qu Silan Twalu, Kenu Syat, Sangas ru pira na mtswe, muwah mssli mqbaq qwas ru mung ke pinqzywan nha kya qalang Cinsbu ngasal ni Pusing Kumu ru gwiy ms’eyu musa mssli smangus ngasal ni Kumay Batu.1966 Kawas lga Silan Twalu Boksi mtbzih pkahul nya Paga(煤源), Te 6 byacing glpszyugan ni Kenu Syat Boksi, Sangas Boksi, Kaleh(鄭金治)Boksi, Watan(楊金盛) Boksi, Tali(林金榮) Boksi, lha ga gleng na Cyukay mse’yu mlahang Cinsbu Kyokay. Rehay ga maki squ ngasal uraw ni Piray Pusing ha. M’Cyoro kya ga Tali Atay, Yupas,Pusing,,Taya,Naway, Sczi ga Kumay Batu, Tengan Nawiy, Hetay Nobay, Tali Pusung, Sakay Walang, Pgleng na kneril ga Yumas Lisay ru Hemuy Boki. 1968 kawas Tali Behuy Sinsi ga gwiy musa mqwas Sincik Sesyo Gako ru gwiy mlahang Kyokay na Cinsbu, Tnu na Cyukay qu Syokay Gicyo ga Hayung Batu Boksi, Pihaw Boks, Hetay Boksi, Rangaw Yumin Boksi ru Kaleh Boksi. Trang kya ga wahan gleng pngsa rehay ni Gicyo ga Tasi(楊德成)Boksi ki Watan(楊金盛)Boksi (pinraw Gicyo ) qu kblayung Kyokay na uraw.1981 Kawas Yawi Kumay Boksi smyunaw mlahang, smungus squ smli puqing pila kkbalay squ kyokay, 1985 kawas lga Tapas Yubay Sinsiy rmuruw zyuwaw na Kyokay, 1986 kawas Atung Yupas Boksi smyunaw. 2002 kawas Yarah Piho Renrosi smyunaw tehok ryax soni qa.Kbalay giqas na kyokay ga Hola Yumin Boksi muwah spuqing pngsa rehay ru rmuru pcbaq kbalay.
|
