【epa`teni ci sinkoo ta taivan kilisto coolo kiokai】

台灣基督長老教會信仰告白

　　os`o taa`uzva `o hamo, zou o’mo mooyai ho txxt’xca ‘e cou ho i’e mouhpxhpxngx ci moc’o cihi ci hamo, ahoi ne noana’o zou nooe’oca ta mouhpxhpxngx ho hioa na yxsvxta ho to`usnu, i’mi to socofkoya ci piepiya ho ngangho’x, peyafa to foinana ci mamespingi maliya ‘o okosi, ohpueho tmucou hocu noa nat’ohaesato, ‘aeno ‘ola leto’usnu ta yatatiskova ci nooe’oca yesu kilisto, i’mi to hiasi ‘atutumzo, spica to zuuzika, smoevovei, epa’teni na himngonghi ho ahmxskx, i’vaha poa yupa xmnx na a’to ho i’o hamo, ‘e piepiyasi, ‘aeno socofkoya ci piepiya, no’upu ta taicoto, pafi no tonx ho poa yontamo botngonx ci cou ho ‘akasi, ac’xhx ho tac’u yuovei ‘o nooe’oca.

　　imza taa’uzva ‘e seiso isi paavneni to hamo, isi tposi na hiasi to’usnu, teai h’ofifiha ta sinkoo ho h’oyunsovato, imza taa’uzva ‘e kiokai zou cono taucunu no mao‘o’oko to hamo, eoho’a ho psoyaska na hia to’usnu to yesu kilisto ho poa yupa nananghinghiya, na eni zou mouhpxhpxngx ho biemisi ta iachito ceoa, tiova ‘e afu’u yatatiskova, nomzo no himngonghi ho ‘atutumzo, tec’u huomza nola ta’usni.

　　imza taa’uzava isi pafi no mit’oengonx, totontone ho emooana to hamo, poa meelx i’upu axt’xcx ta isi teai ci mouhpxhpxngx ‘e yatatiskova, ko’koeno, ‘e yatatiskova mo yaa emooana, leaxt’xcx ta emooana, ‘apapepeisu ci h’ofifihato, maezo yaa totontone, kangaku, a’vinano yayo namo biebimi no a’xmtx hamo ci ‘to’tohxngx, at’inghi mo yaa kuisi ‘e yatatiskova, tixnpxnpa ‘e mengumi, tikuzoa na natx’ca ta yatatiskova, mouhpxhpxngx ho hamo, ko’koeno, tec’o biftongx no noa to’usni to yesu kilisto, tesi poa i’mi no kuisi ho psoevoyunga, poa ziu ho ahmxskx nala skotpxta ci yatatiskova, yono ‘ayumona to kilisto hocu faeva ‘e cou, tesicu tanuua ‘e mouhpxhpxngx, nongcxngcx na ahmxskx, soanono ho ‘aveoveyx, amen.