PASO'LIN NO TAYWAN KIRISTO CIWLO KIWKAY

（台灣基督長老教會信仰告白）

　　Paso'lin kami to Kawas. O misanga'ay, o mikowanay to tamdaw ato kalomaamaan a dngan a Kawas Cingra. O Tapang no rayray no 'orip ato hkal. O misawkitay ato mipa'oripay Cingra. O nano Fangcalay 'Adingo ko sakacipuyapuy ni limecedan a Mariya to Wawa no Kawas, ta hofocen a malatamdaw, malasalikaka no mita ci Yis Kiristo, o Tapang no tamdamdaw. Pakayni i pisemsem Ningra, mapacek i ciwcika a mapatay, patikol a ma 'orip nai patay, saka mapahapinang ko olah ato mo^cel no Kawas, mipalali 'ay titaanan ato Kawas. O 'Adingo Ningra koya Fangcalay 'Adingo. Mikapot i titaanan, pafli to 'icel, to sapawacay no mita i tamdamdaw, tangasa i piliyaw haca no Tapang a tayni.

　　Paso'lin kami, o pahapinang no Kawas ko Fangcalay Cudad, matilid itira ko sapa'orip no Kawas. O malopido^doan no paso 'lin ato 'orip no mita.

　　Paso'lin kami, o sa'opo no wawa no Kawas ko kiwkay. O matahidangay a mipatnak to sapa'orip ni Yis Kiristo. O mamalotarokos to sakalarihaday no polong no hkal, palamit i niyaro', mihawop milalen to tamdamdaw, pakayni i olah ato pisemsem ko sakacipinang no pafaloco 'an no tamdaw.

　　Paso'lin kami, pakayni i sini 'ada no Kawas ko sakapifalic to pinangan no tamdaw ato sakahpol no raraw, ta pakayni i nika ngodo, nika olah ato nipipacakat to 'orip ko sapipa'dil to Kawas.

　　Paso'lin kami, pakayni i sini 'ada no Kawas ko sakatadamaan, sakacitaneng, sakaciniyaro' no tamdaw, to sakapikapot no tamdaw to pisanga' no Kawas to kalomaamaan, malakapot ato Cingra a mikowan to hkal. Orasaka, ira ko siyakay, sakowan ato sakidafong a likakawa; ira haca ko fun-ki, ka-kak ato faloco' no tamdaw mitoor to so'liny a Kawas. Nikawrira, o ciraraway ko tamdaw, moraraw ko pitatoy no tamdaw to nipaflian no Kawas a rocek, plengen no tamdaw ko kakafikafit no tamdaw ato kalomaamaan ato Kawas. Orasaka, o mamiti 'er ko tamdaw to sini'ada ni Yis Kiristo, sololen Ningra ko raraw no tamdaw. Tdalen Ningra ko mapa^kelay a tamdaw a mipakonira, awaayto ko kakinih, malafa^lohayto a nisanga'an a tamdaw i laloma' ni Kiristo, ta malono Kawas to ko hkal, matomes no mo^cel ato rihaday ato lipahak. Amin.